Human Rights Commission

O le Otootoga o Fa’amatalaga mai le Pulega

I le tausaga e 2006, na ulua’i fa’atino ai e le Komisi o Aia-tatau se su’esu’ega po’o se sailiiliga muamua e uiga i totonu o le matagaluega o aia-tatau a tagata soifua, e uiga i tulaga fa’ailoga tagata na feagai ma fa’afafine ma fa’afiatama. O le fa’amoemoe sa taga’i ai i vaega fa’apitoa nei e tolu: O faiga fa’ailoga tagata a’o taumafai atu e saili ni feasoasoani mo le soifua maloloina lelei, ma faigata e pa puipuia ai le aloaia i le tulafono o le ituaiga o tagata.

O le nei su’esu’ega fa’apitoa na fa’amamafaina ai le tulaga o le aofia ma auai fa’apea ia amanaia se aofaiga tele o tagata fa’afafine po’o fa’afiatama. O i latou nei mai so’o se vaega o fa’alapotopotoga o tagata lautele i Niu Sila, ma o le vaaiga lautele i le eseesega i uiga o tagata, o se lu’itau lea i uiga taufaifai ma le tusitusi lima o lo’o masani ona avea ma fa’afitauli i le soifua o fa’afafine ma fa’afiatama.

O le ituaiga o tagata e iloa gofie ai po’o se tama po’o se teine, e matua tele lona eseesega.E amanaia tele ma fa’aloalogia i lenei lipoti. O le upu “sui” ua fa’aaogaina ma tauave pea i lenei lipoti, ina ia talafeagai lona fa’aaogaina i le gagana tauaofa’i.

E sili atu i le 18 masina na feiloa’i ai le su’esu’ega fa’apitoa lenei ma tagata e tusa ma le 200 (lua selau). E eseese uma o latou tausaga mai lava i tupulaga talavou e o’o lava i tuaa-sinasina ua a’usia i le ta’i fitusefulu tausaga le matutua.E to’atele na Malaga mai lava o tagata ta’ito’atasi, o fa’afafine ma a latou pa’aga, o aiga, uo ma e masani fa’atasi ai ma ni i si latou te galulue fa’atasi. O i si sa fai ma sui o fa’alapotopotoga e fautuaina fa’afaine ma fa’afiatama, o fa’alapotopotoga a tagata lautele ma Iuni. O ni i si o pepa o fa’amatalaga ma finagalo fa’aalia na maua mai i e o lo’o i ai le toma’i fa’apitoa ma galulue i le Matagaluega o le Soifua maloloina, o tagata atamamai e maualuluga o latou fa’ailoga i le tulaga a’oa’oina, e fa’apea fo’i Matagaluega a le Malo.

Na maua i le su’esu’ega fa’apitoa lenei, o le to’atele o fa’afafine ma fa’afiatama latou te saili ina ia maua se soifuaga e fa’aaloalogia ma aloa’ia, ma e to’atele i latou ua a’usia ma fa’amanuiaina ai. Peita’i, e to’atele fo’i fa’afafine ma fa’afiatama ua fa’aeaina mai le tele o tulaga faigata o lo’o feagai ma i latou e o’o lava i tulaga pagatia ma le fa’amomoiloto.O le latou fa’ai’uga ma le filifiliga ua fai, e le patino mo le suiga o le auala e ola ai, ae o le aloa’ia o se vaega taua o le latou soifua, po’o ai tonu o latou tagata e fa’asino i ai le ituaiga po’o se tane po’o se fafine.

E le’i sailia e le su’esu’ega fa’apitoa lenei le toe laga o ni aia-tatau fou mo fa’afafine ma fa’afiatama. Ae peita’i na latou silasila i aia-tatau o lo’o fa’atonu mai i le Tulafono Aoao o Aia-tatau a Tagata Soifua, fa’atasi ai ma le Tulafono fa’a-va-o-malo o aia-tatau, ma le tulafono fa’aloto-i-fale i Niu Sila nei, ma fesiligia po’o fa’aaogaina ma maua fo’i e fa’afafine ma fa’afiatama nei aia-tatau fa’apei o le to’atele o tagata lautele o Niu Sila atoa.

O le Fa’auigaina i le Soifuaga Lautele

I le talafa’asolopito, e tofusia lava fa’alapotopotoga ma sosaiete o tagata soifua mai vaega eseese o le lalolagi o lo’o aofia ai tagata fa’afafine ma fa’afiatama. O lo’o i ai fo’i fa’amaumauga i Niu Sila i Tu ma Aga a Tagata Fenua po’o Tagata Maori sa amanaia ai whakawahine, ae sa fa’apena fo’i, i i si motu o le Pasefika pei o fa’afafine i Samoa ma Fakaleiti i Tonga, na latou tauaveina ni i si o tiute fa’a-tama tane.

Peita’i na i ai vaitaimi na matua’i mamafa ai fa’asalaga ma sauaga na fai i fa’afafine ma fa’afiatama ona o le le usita’a ma aloaia le tulafono ma tausisi e fa’amamalu uiga mo’omia ma le tausa’afia e ala i laei ma ofu talafeagai mo tamaita’i ma a ali’i.

O lo’o lu’itau pea e fa’afafine ma fa’afiatama le manatu e fa’apea so’o se tagata e fanau mai o le tino o se tane, e tatau lava ona fa’ailoa o se tane, po’o le fa’ailoa fo’i o se tane po’o se fafine, ae leai se vaega lona tolu e tau fa’ailoa ai po’o le lea ituaiga o tagata.O aso nei o mataupu uma nei o lo’o a’afia ai fa’afafine ma fa’afiatama, ua avea ma mataupu tauave i tulafono o aia-tatau a le tagata soifua fa’a-va-o-malo, e fa’aauau pea ona talanoaina ma ave i ai finagalo.

O Tamaiti ma Tupulaga Talavou

O tamaiti uma ma tupulaga talavou fa’afafine ma fa’afiatama, e i ai lo latou aia-tatau e taliaina i latou mo le ituaiga o tagata ua filifili ai, ae fa’alagolago fo’i i latou i i si tagata e pei o matua ma faiaoga, ina ia mautinoa le amanaia ma le puipuia o na aia-tatau. O le iloa gofie o ni si tamaiti ma tupulaga fa’afafine ma faafiatama ua maitauina ai le tula’i o fa’afitauli ma pa-pupuni i totonu o Aoga, galuega, o ta’aloga, o le sailia o feasoasoani mo le soifua maloloina lelei, fa’atasi ai ma le a’afia i mea e fai i totonu o le itumalo. O le tiute lea ma le matafaioi a le sosaiete ma fa’aalpotopotoga o tagata lautele, ina ia aloaia le aia-tatau a i latou nei, e aofia ai ma le aia-tatau i le tulaga o a’oa’oga. O lo’o i ai le manaoga tele taua mo fa’amatalaga ma punao’a mo tamaiti ma tupulaga talavou nei, e fa’apena fo’i mo o latou matua, aiga ma aoga.

Ia Tutusa Tagata uma ma Sa’oloto mai Faiga Fa’ailoga Tagata

O tagata fa’afafine ma fa’afiatama i Niu Sila o lo’o feagai ma faiga fa’ailoga tagata ua avea ma fa’afitauli i le fa’amaopoopoina o se olaga fa’aleaiga, sailia o ni nofoaga e nonofo ai, galuega ma fa’atinoina se tautua e mafai ona a’afia ai i le soifuaga i totonu o se fa’alapotopotoga o tagata.

Ua feagai fo’i ma lu’itau i mea faigofie e taliaina ai i latou e fa’atino ni i si o vbaega e le ‘o amanaia e le to’atele o tagata Niu Sila.

Ua fa’ailoa le tele o fa’amaoniga i totonu o lenei lipoti, ni i si o tulafono fa’avae ua i ai nei, sa le’i fa’atalanoaina ai se finagalo fa’aalia o tagata fa’afafine ma fa’afiatama, ma ua faia ai fa’aiuga ae leai pe itiiti fo’i se malamalamaaga i le a’afiaga o le ‘a o’o iai le soifuaga o i latou nei. E tatau ona tu’uina atu le avanoa i fa’afafine ma fa’afiatama ina ia a’afia i faiga fa’aiuga ma filifiliga o mataupu e a’afia ai lo latou soifua. O le ‘ a mana’omia ofisa ma Matagaluega a le Malo ina ia galulue so’oso’o-taua’u ma fa’afafine ma fa’afiatama ina ia soalaupuleina mataupu ua fa’ailoa i totonu o lenei lipoti.

E leai se fa’anenefu ma e le tau-mate, o lo’o puipuia tagata fa’afafine ma fa’afiatama mai faiga fa’ailoga tagata i lalo o le Tulafono o Aia-Tatau a Tagata Soifua 1993. Ua i ai le fuafuaga a le lipoti fa’apitoa lenei ina ia fautuaina e toe teuteu le Vaega 21 puipui(1) (a) o le tulafono fa’avae, ina ia fa’ailoa manino, o le ituaiga o tagata pe ose tane po’o se teine e tatau ona a’afia i le fa’ailoaina o lena ituaiga o tagata.

O le Soifua Maloloina

Ua maua fo’i i lenei su’esu’ega fa’apitoa e tele vaega e iloa ai e le ‘o talafeagai le fa’asoaina o le tulaga o galuega auauna atu mo le soifua maloloina. E le’o lelei ona fa’atino se’i vagana ai ni si o Tagata(Foma’i) e gafa ma lenei matafaioi o lo’o faia ma le fa’amaoni o latou tiute.E le ‘o mafai ona maua e le to’atele o fa’afafine ma fa’afiatama avanoa taua mo le fa’aleleia o le soifua maloloina i lalo o faiga-fou e mafai ona iloa lelei ai i latou ma le ituiga o tagata ua fa’ailoa ai po’o se tane po’o se tama’ita’i i le taimi nei.

E tele auaunaga e fa’aleleia ai le soifua maloloina e le’o maua i totonu o le matagaluega mo le manuia o tagata lautele, ma o le ala lea ua saili ai e fa’afafine ma fa’afiatama togafitiga mai foma’i tu-maoti, ua fa’apena fo’i ona saili i atunu’u mamao. O le taugata tele o le totogi o le faiga-fou lea e fa’ailoa ai po’o se tane po’o se fa’afine, ua avea ma avega mamafa ma pa puipui mo le toatele o fa’afafine ma fa’afiatama.

Ua fa’aauau pea ona finauina nei mataupu ua avea ma fa’afitauli, e le to’atele o fa’afaine ma fa’afiatama fa’atasi ai ma e galulue i totonu o le matagaluega o le soifua maloloina. O ulua’i matafaioi ina ia amanaia le su’esu’ega fa’apitoa lenei ma le fautuaga, ina ia fa’afoe ma tautai e le Komisi o Aia-Tatau ni talanoaga i le va o tagata fa’afafine ma fa’afiatama fa’apea i latou e galulue mo le fa’aleleia o le soifua maloloina e aofia ai foma’i, fa’atasi ai ma le Matagaluega o le Soifua Maloloina a le Malo, ina ia fa’ataoto se fa’avae lelei ma se ta’iala mo togafitiga, ma ia maualuga le tugalaga o le vaaia lelei o le soifua maloloina.

O le Avea o Oe ma Tagata-Nu’u

Ua fa’aaogaina i le su’esu’ega fa’apitoa lenei le upu o le Tagata-nu’u ina ia maua le lagona fa’amaopoopo o oe o se tagata aofia i totonu o le fa’alapotopotoga o le sosaiete o tagata lautele. O le vaa’iga lautele i le avea o se tagata-nu’u e fa’atatau lea i vaega taua nei e tolu mo tagata fa’afafine ma fa’afiatama: o se pepa o fa’amatalaga aloaia mai le Malo, o le tulaga o tagata-nu’u o Niu Sila e soifua mai i atunu’u i fafo, ma mataupu e uiga i aia-tatau puipuia.

Ua fa’amalosia le lagona ina ia mafai ona maua e fa’afafine ma fa’afiatama se pepa aloaia mai le malo e faailoa le ituaiga o tagata e i ai i latou.O tulafono fa’avae o lo’o i ai nei, e le ‘o mafai ona fa’ailoa lelei ai lea tulaga po’o se tane po’o se fafine. Ua fautuaina i lenei lipoti ni suiga i le tulafono ina ia fa’afaigofie ona sui lou tulaga pe o se tane po’o se faffine i luga o le pepa-fanau, tusifolau ma i si pepa aloaia a le Malo.Ua fautuaina e le su’esu’ega fa’apitoa lea vaega ina ia i ai se suiga e mafai ona talosaga i pepa aloaia o fa’amatalaga a le Malo.

O le to’atele o fa’afafine ma fa’afiatama o lo’o feagai pea ma le tele o fa’afitauli i le puipuia o vaega ma fa’amatalaga patino ia i latou. O le tele o fa’amatalaga ua fa’alauiloa e uiga ia i latou, ua avea ma aua auala ua fa’ateteleina ai le fa’ailoga tagata ma tau-fa’amata’u ai i lo latou saogalemu.Ua maua fo’i i le su’esu’ega fa’apitoa lenei o lo’o lava pea le malosi o le tulafono mo fa’afafine ma fa’afiatama e puipuia ai lo latou aia-tatau i fa’amatalaga e patino mo i latou, ma ia manino fo’i i ofisa ma matagaluega lo latou tiute ina ia puipuia nei fa’amatalaga.Afai e le’o lelei ona fa’atino lea vaega, e tatau ona mata-i-tuina ma toe silasila toto’a i ai.

O Mataupu e Uiga i Aga Fa’afafine ma Fa’afiatama

E ui lava ina fa’apitoa ni si o vaega o lenei su’esu’ega patino i fa’afafine ma fa’afiatama, ae na fa’aalia e ni si o finagalo e a’afia ai le tele o mataupu e uiga i aia-tatau.Ua mafua ai le fuafuaga e tatau ona matua’i tatala le avanoa e soalaupule ai le mataupu ma aiga o i latou nei, fa’atasi ma ni si o ofisa o le Malo ma e galulue i le matagaluega o le soifua maloloina.

E iai mataupu patino lava mo i latou ua faia ta’otoga fa’apitoa, e a’afia ai togafitiga fa’afoma’i i faia mo tamaiti ma tupulaga talavou e iai uiga fa’apitoa nei, ile maua atoa o faamatalaga e uiga i faamaumauga o pepa aloaia a le Falema’i fa’apea foi pepa o fa’amatalaga e uiga ia i latou ua siua aloia ituaiga o tagata e iai i latou po’o se tane po’o se fafine i lalo o le tulafono, e fa’atauaina tele. O le le maua o pepa nei o faamatalaga, e manino ai le leai o se vaai-mamao ma faiga fa’alilolilo e o’o mai ai le maasiasi ia i latou nei.

O le Fa’avae i Lalo o le Tulafono

O le fa’avae o le tulafono o lo’o puipuia ai le aia-tatau a fa’afafine ma fa’afiatama e faiga tele ona malamalama i ai. E lua vaega na sailiili loloto i ai, o le tulafono e a’afia ai tagata fa’afafine ma fa’afiatama ma le taofia o faiga fa’ailoga tagata i lalo o le tulafono o aia-tatau a tagata soifua 1990 ma tulafono fa’avae o aia-tatau 1993, ma le tulafono e mafai ona sui ai po’o le a le ituaiga o tagata po’o se tane po’o se fafine i luga o le pepa fanau ma isi pepa aloaia a le Malo.

Ua fa’amautu i le su’usu’ega fa’apitoa lenei, e sili atu ona malu puipuia fa’afafine ma fa’afiatama i lalo o se tulafono faapitoa o aia-tatau a le tagata soifua 1993 ina ia talafeagai pea lona fa’aaogaina, e fa’amamafaina ai le fa’ailoga tagata i le ituaiga o tagata po’o se tane po’o fafine e a’afia ai so’o se tulafono.

Fautuaga mo ni Suiga Lelei

Ia tu’uina atu le avanoa e mafai ona aofia ai fa’afafine ma fa’afiatama i le soalaupuleina o fa’aiuga e a’afia ai i latou.

• Ia amanaia ma lagolagoina le fa’atautaiga o fautuaga mo fa’afafine ma fa’afiatama.

• Ia fa’amalosia talanoaga ma ofisa o le Malo ma galulue so’oso’o-taua’u ma fa’afafine ma fa’afiatama, e amata mai i vaega taua ua fautuaina i lenei lipoti.

Ia fa’aitiitia le fa’ailoga tagata ma le vaai fa’atauva’a i fa’afafine ma fa’afiatama e ala lea i le:

• Fa’amanino o le mataupu, fa’aititia le masalosalo,ia mautinoa ma manino, o le puipuia mai le tulafono fa’avae o le ituaiga o tagata po’o se tane po’o se fafine i lalo o le tulafono fa’avae o aia-tatau a tagata soifua, ua fa’apena fo’i ona puipuia lea o le fa’ailoga po’o le a le ituaiga o tagata.

• Ia amanaia le puipuiga o le fa’ailoga tagata, i lalo o le tulafono o aia-tatau o tagata, ma e mana’omia ni tulafono ma ta’iala ina ia aofia ai fa’afafine ma fa’afiatama, tusa lava po’o le a le ituaiga o tagata e i ai i latou, po’o se tane po’o se fafine.

• O le galulue fa’atasi o le Komisi o Aia-Tatau ma fa’afafine ma fa’afiatama ina ia tapega ma saunia se polokalame fa’alea’oa’oga e uiga i aia-tatau ina ia mafai ona fa’aleo le mataupu e uiga i le fa’ailoga tagata fa’asaga ia i latou nei.

Ia fa’aleleia atili le feso’ota’iga e mafai ona maua e fa’afafine ma fa’afiatama le avanoa i togafitiga mo le soifua maloloina. Ia i ai ni ta’iala ma maualuga le tulaga o le vaaia lelei o le soifua maloloina, ma ia galulue fa’atasi ma le Matagaluega o le soifua maloloina a le Malo, fa’apea i latou o lo’o faia lea auaunaga.

Ia fa’afaigofie le vaega mana’omia e fai ai ni suiga po’o le a le ituaiga tagata po’o se tane po’o se fafine i luga o pepa fanau, tusifolau ma isi pepa o faamatalaga aloaia a le malo ina ia talafegai ma le tulafono o Aia-Tatau a Tagata Soifua, e ala lea i le toe:

• Toe teuteuina o le vaega 28(3)(c)(i)(B) ma le vaega (C) o tagata fananau mai,maliu, ma fa’aipoipoga po’o le tulafono o Igoa Lesitara 1995, e ala lea i le toe suia o le tulafono o lo’o iai nei, ona ua uma ona uia e se tasi ni vaega e mafai ona soifua ai i lona olaga atoa i le ituaiga tagata fou ua i ai nei, ua ia filifilia po’o se tane po’o se fafine.

• Ia fa’atagaina le Fa’amasinoga fa’apitoa mo Aiga ina ia mafai ona fa’ailoa aloaia po’o le a le ituaiga o tagata po’o se tane po’o se fafine mo i latou o tagata-nu’u o Niu Sila e fananau i atunu’u i fafo atu o Niu Sila

Ia amanaia ma toe silasila toto’a i vaega fa’apitoa ma mataupu e a’afia ai le aia-tatau a i latou o fa’afafine ma fa’afiatama , e ala lea i le sailiiliga loloto lenei fa’apitoa na fa’atautaia e le Komisi o Aia-Tatau, fa’atasi ai ma isi Ofisa ma Matagaluega talafeagai a le Malo.

Mo ni i si fa’amatalaga asiasi ane i le upega tafa’ilagi. Transgender Inquiry website: www.hrc.co.nz/transgenderinquiry