Human Rights Commission

Nau mai, piki mai mai, ki te pae tukutuku ō te Kāhui Tika Tangata

Ko te Kāhui Tika Tangata, e tū ana hei pou tokomanawa mo ngā tika, ngā mana ō te tangata. He whare whakaruruhau mo ngā iwi katoa o Aotearoa kia noho i roto i te tika, te pono, me te rāngimarie.

Ko te mahi o te Kāhui Tika Tangata i whakamanahia mai ē te Ture Tika Tangata Human Rights Act 1993, ko te:

• Tautoko me te whakanui i ngā tika me ngā mana tangata, o ngā iwi katoa o Aotearoa. Kia mōhio, kia mārama tonu te katoa ki ēnei tū ritenga
• Kia noho mārire te tangata, ngā roopu tangata katoa e noho nei ki Aotearoa i raro i te whanaungatanga
• Ki te arahi, te arotake, te tohu me te whakawā i te ōritetanga i roto i ngā tikanga mahi.

E tāea ana hoki e te Kāhui Tika Tangata te whakatau i ngā take tautohetohe i raro i ngā mahi whakahāwea. Mehemea ē whakapono ana koe kei te tūkinotia koe, kei te whakahāweatia rānei koe, whakapā mai ki te Kāhui Tika Tangata, kia āwhinatia koe.

Te mahi tūkino, whakahāwea, e hē ana i raro i te ture

He kaitiaki te ture Tika Tangata, Human Rights Act 1993, i ngā tāngata katoa o Aotearoa kia kaua rātou e tūkinotia e whakahāweatia ranei. E tāea ana e te Kāhui Tka Tangata te whakatau i ngā tautohetohe mai i ngā mahi tūkino whakahāwea. Ka tau te hē o ngā mahi tūkino, whakahāwea i raro i tētahi, ētahi rānei o ngā wāhanga e whai ake nei:

• Te ira tangata, te hapū o te wahine
• Te ritenga mārenatanga, te hononga tarā whare rānei o te tangata
• Te whakapono ki te Atua
• Te whakapono ki te ritenga
• Te tae o te kiri
• Te Iwi
• Te momo tangata, te tūrangawaewae
• Te Hauā
• Te pakeketanga, ngā tau
• Te whakaaro tōorangapu
• Te tūnga mahi
• Te tūnga whānau
• Te momo taera, te painga wahine, tāne ranei.

Ko ētahi atu mahi tūkino whakahāwea e tino hē ana hoki, penei i ngā mahi whakawehewehe, korero kino i te tangata, ngā mahi whakatiwheta hemahema, me nga mahi tūkino hoki.

Ka tau te hē ō te mahi whakahāwea te mahi tūkino mena ka taka ki raro i tetahi ō ngā wāhanga i whakaingoatia i mua ake nei, me te tau ano hoki ki roto i tetahi o nga wahanga ā iwi e whai ake nei.

• Ngā mahi Kāwanatanga, me ngā mahi ā iwi
• Ngā tikanga mahi
• Te Whai i te Mātauranga
• Te tomo ki ngā waahi, ngā waka, me ngā whare ā iwi
• Te whakarato taonga rauemi
• Te whakarato whenua, whare, kāinga noho
• Ngā roopu ahumahi, tohungatanga, whakaako tikanga mahi
• Ngā roopu rangapū.

Kei te whakatakotohia anō hoki e te ture nei, ētahi atu wāhanga whakahāwea kahore e hē ana. E mōhiotia ana ēnei ko ngā “rerekētanga”. Mo ētahi atu whakamārama mo ēnei take whakahāwea nga mahi tūkino, whakapā mai ki te Kāhui Tika Tangata. E whai ake nei etahi o nga kaupapa, huarahi hikoi o te Kāhui Tika Tangata.

Te whakatauā take tautohetohe

Mā te “Tari Whakatau Take Tautohetohe o te Kāhui Tika Tangata” (DRT) e whakahaere ngā tikanga whakatau take tautohetohe. E wātea tonu mai ana ngā Kaihohourongo o tēnei tari ite mahi mo tetahi tangata, tetahi taha rānei o te take tautohetohe. Ko tēnei rātonga e mahi ana mo:

• Te kore utu
• Te maru o te tapu o te kōrero o te tangata, o rātou e uru mai ana ki te take
• Kāhore e here ana i ngā roopu e tautohetohe ana, kia whai kaikorero ture roia rānei rātou.

Ko te whāinga o tēnei tikanga whakatau take tautohetohe, kia moata te tau i te take nei i runga i te tika me te pono. Ka tāea pea i roto i ngā mahi hohou i te rongo pēnei me:

• Te tuhi ā reta
• Te kōrero ma te wāea
• Te huihui, kanohi ki te kanohi.

He maha ngāhua ka puta i ngā whakataunga, pēnei me te whakamihi kupu pōuri mo te mahi hē, te whakaae kia kaua anō e mahi i ēnei mahi whakahāwea tūkino rānei i te tangata mo āke tonu atu.

Te tono whakapae

Ki te hiahia koe ki te tono, ki te tuku i tētahi whakapae i raro i te mana o te Ture Tika Tangata 1993, Human Rights Act 1993, me wāea mai ki te “Puna Kōrero” (Info Line) o te Kāhui Tika Tangata:

• Wāea: 0800 496 877 ( utu kore)
• Wāea whakāhua: 09 375 8611 ( Attn: Puna Korero)
• Īmera: infoline@hrc.co.nz
• TTY: 0800 150 111

E mahi ana te Kāhui Tika Tangata ki te taha o te Puna Reo (Language Line Service) o te Tari Tikanga ā Iwi, (Ethnic Affairs), ka tāea e rātou te kōrero Māori kia koe.

E whai ake nei ngā rauemi i roto i [TE REO MĀORI] ka tāea te kite i runga i tēnei pae tukutuku.

Rauemi

• He aha te Kawenata a te UN mō ngā Tika ā te Hunga Hauā? (PDF 700KB) What is the Declaration on the Rights of Persons with Disabilities?
• He aha Te Kahui Tika Tangata? (PDF What is the Human Rights Commission?)
• He amuamu tika tangata tau? (Do you have a human rights complaint? PDF 360 Kb)
• He Kōrero mō ngā Whakapono Rerekē (Statement on Religious Diversity PDF 130kb)

• Ko ngā tika ō te wahine, e whāngai ū ana (Your rights as a breastfeeding mother)
• Mahi whakaito / sexual harassment
• Nau mai, piki mai mai, ki te pae tukutuku ō te kā hui tika tangata / About the Human Rights Commission
• Ngā kaupapa here ‘Reo Ingarihi Anake’ i roto i te wāhi mahi / ‘English Language Only’ policies in the workplace
• Ngā pātai me ngā amuamu tika tangata / Human rights enquiries and complaints
• Nonotitanga ā-Iwi / Racial harassment leaflet
• Ō tika mō te kaimahi kei te hapū / Your rights as a pregnant worker
• Puka amuamu (PDF 1.1Mb) (Complaints Form)
• Ripoata o te tau rua mano ma waru – He Whakataki (HTML) (HRC Annual Report 2008 – Introduction)
• Te Mana I Waitangi: Community Discussion Paper (PDF) (2003)
• Te Ara Taurima: He Ripoata Tirohanga Whānui ki nga Waka Whenua Kawenga Tangata (Word 244Kb) (The Accessible Journey: Report of the Inquiry into Accessible Public Land Transport including the Foreword, Executive Summary and Recommendations)
• Te Whakapuakitanga o te Runanga Whakakotahi i ngā Iwi o te Ao mo ngā Tika o ngā Iwi Taketake
• Te Whakapuakitanga o te Runanga Whakakotahi i ngā Iwi o te Ao mo ngā Tika o ngā Iiwi Taketake (Questions and Answers: Declarations of the Rights of Indigenous Peoples)
• Te Whakapuakitanga o Te Ao mo o ngā Tika Tangata (Universal Declaration of Human Rights)  1002 KB
  - Plain Language (Word)
  - Full Text (Word or HTML)
• Tūi tūi tuituiā: Kōrero Whakataki / Race Relations in 2008 – Annual Review of Race Relations Overview
• Whanaungatanga a Iwi (Statement on Race Relations Te Reo version – PDF)