Ka whakarato te hōtaka i tētahi whai wāhitanga ki te tautohe i ngā take hāngai e pā ana ki te Tiriti o Waitangi hei tuhinga taketake mō Aotearoa, ki te hōpara i ngā pānga o te Tiriti ki te pāpori i tēnei rā, me te whakaaroaro anō hoki i ngā pānga mō ngā rā e tū mai.

Kei roto i te kauhau tuatahi, i te 28 o Kohitātea, ko te kaikoioranga me tana kaupapa tautohe i te whanaketanga o ngā whakatutūtanga Māori i roto i ngā tau 30 ki te 40 kua hipa. I whakaputahia i tērā tau e te Amorangi Paul Spoonley o Te Kunenga o Pūrehuroa, tana koioranga o ngā tāngata mātau me te kaiwhakaaraara a Tākuta Ranginui Walker. Ka pēhea te urupare a Tākuta Walker ki ana ake mahi e ai ki te tirohanga o Amorangi Spoonley?

Ka tū a Amorangi Mason Durie, o Te Kunenga o Pūrehuroa anō, me te kaikōrero tōrangapū a Colin James, i te 4 o Hui-tanguru ki te tautohe i te Tiriti o Waitangi; he pēhea te hangā o ngā whanaungatanga āmua; ā, me ngā huarahi hoki e kauneke ai tēnei motu.

Te Hōtaka Kauhau mō te Tiriti 2010 a Te Papa.

I roto i tētahi pepa matapaki mō te Mana ki te Tangata, e tono ana Te Kāhui Tika Tangata kia ārohitia ngā whakaritenga kāwanatanga, kia wawe me te tika te whakatau i ngā hē o mua, ā, kia whakawhanakehia ngā ara hou ki ngā pātuitanga me ngā wānanga hou mō te whakawhitiwhiti i waenga i te Karauna me te Tangata Whenua.

Ka tautuhi anō hoki i te hiahia ki te whakatairanga i te mōhiotanga o te iwi whānui ki te Tiriti me te hanga whanaungatanga i waenga i te Māori me ngā Tauiwi o Aotearoa i roto taumata hapori.

E kī ana Te Kāhui Tika Tangata me whai wāhi ngā tamariki me ngā rangatahi katoa ki ngā hua ōhanga, pāpori me te ahurea pai ake e whānui ake te whakatinana i te ngā tika i roto i ngā Tiriti o Waitangi me ngā tiriti tika tangata o te Ao, tae atu ki te Whakapuakanga o ngā Tika o ngā Iwi Taketake. Me hōpara anō te Whakapuakanga mō ngā tika o ngā iwi o te Moana nui a Kiwa.

Ko te korero a te Kaikōmihana Whanaungatanga ā-Iwi a Joris de Bres, e hanumi ana te mana onāianei o ngā tika tangata me te tiriti.

"Kei reira ētahi tikanga ture hei tiaki i ngā mātāpono o te Tiriti me ngā tika a te Māori hei Iwi Taketake engari i roto i ngā whakatinanatanga, he rerekē te whai mana me te tiakitanga. E hiahiatia ana kia whakatikahia ngā mate whānui me ngā take hou, ā, kāore anō kia whakatutukihia te hātepe mō te whakatika i ngā hē o mua."

E tono kōrero ana Te Kāhui Tika Tangata mō ngā whakatakotoranga. Pānuihia ngā taipitopito whānui o ngā whakatakotoranga.

http://www.hrc.co.nz/newsletters/whitiwhiti-korero/english/2010/01/treaty-debates-series-2010-te-papa/ - comments

Hei tā te Kaikōmihana Whanaungatanga ā-Iwi a Joris de Bres, e haere tonu ana te torohaki o tērā tau i roto i te hātepe whakatau Tiriti, me ngā whakawātanga hira maha me ngā pūrongo a te Taraipiunara o Waitangi, me ētahi whakaritenga whakariterite whānui, whakaaetanga whakatau, me ngā ture whakatau i te Paremata.

"Ko tētahi mea pai ko ngā whakawhitiwhitinga me ngā kaikerēme mō te āhua o te kauneke i te hātepe whakatau."

E kī ana a de Bres ko tētahi o ngā āhuatanga matua o te whanaungatanga i waenga i te Karauna me te Māori i te tau 2009 ko te mahi tahi a te Rōpū Nahinara me te Rōpū Māori i roto i te Kāwanatanga.

I tutuki ētahi mahi pai i roto i te arotake o te Ture Takutai Moana, i kī taurangi te Kāwanatanga ki te whakakore i te Ture me te mahi tahi me ngā iwi ki te whakawhanake i tētahi huarahi atu anō.

I whai whakaaetanga te Rōpū Māori mō ētahi o ngā iwi i roto i te Kaupapa Whakawhiti Waro, ā, nā ngā tari minita, i whakatūhia te Rōpū Mahi mō Kaupapa ā-Whānau me te whiwhi whakaaetanga mō tētahi haki Māori mō te Rā o Waitangi.

Engari kāore i waihangahia ngā tūru Māori i runga i te kaunihera taone-nui o Tāmaki Makaurau, ahakoa ngā tautoko whānui, me te karo hoki i te hātepe mō te komiti whiriwhiri whāiti ki te pūrongo ki tēnei take.

I pupū ake tētahi urupare huakore mai i te whānui ki ngā kōrero o te īmēra a te Minita Paremata o Te Tai Tokerau, a Hone Harawira.

I kitea i roto i tētahi rangahau whakaaro iwi whānui i piki te maha o ngā tāngata o Aotearoa e mārama ana ki te Tiriti mai i te 34 ōrau ki te 41 ōrau. Rima tekau rima ōrau i kī ko te Tiriti te tuhinga taketake o Aotearoa.

Hei tā Mr de Bres ko tētahi take matua i te tau 2010 ko te arotake kāwanatanga, otirā kaua ko te wāhanga o te Tiriti i roto i ngā whakaritenga kāwanatanga noa iho engari ko te whai kanohitanga Māori hoki.

"E whakaratoa e te arotake tētahi whai wāhitanga ki te whakakaha i ngā whakamarutanga tika tangata i Aotearoa, tae atu ki ngā tika a ngā Iwi Taketake."

Pānuihia te rārangi whānui o ngā tohu nui Tiriti.