Text Size + - reset

Skip navigation.

Newsletters > Whitiwhiti Korero > Māori > 2011 > March

Whitiwhiti Korero: Māori

ISSN 1179-3015 Pout-te-rangi, 2011

E whakahaerehia Te Hui Kanorau 2011 i Claudelands Convention Centre, Kirikiriroa.   Continue reading…

Ko te kaupapa o te hui He Iwi Rongomau, ā, kei mua atu ko ētahi hui hapori hei te Hatarei 20. Tohua ēnei rā ki tō maramataka.

Pānui haere.

Ko te Hui Tūturu tētahi o ngā hui e toru a ngā rōpū UN e whai mana ana ki te whakarite i ngā take iwi taketake.   Continue reading…

Ko ētahi atu ko te Tikanga Matatau mō ngā Tika a ngā Iwi Taketake me te Special Rapporteur mō te āhuatanga o ngā tika tangata me te mana wātea o ngā iwi taketake.

  • Te Hui Tūturu mō ngā Take Iwi Taketake (PFII)

Ko te Hui Tūturu he rōpū tohutohu i te Kaunihera Pāpori me te Ōhanga e whai mana ana ki te kōrero mō ngā take iwi taketake e pā ana ki ngā whanaketanga ōhanga me te pāpori, ahurea me te taiao, mātauranga, hauora me ngā tika tangata. Kei te wātea te rēhita ā-ipurangi. Ko te hunga e hiahia ana ki te haere ki te wāhanga tuangahuru o te Hui Tūturu me mātua rēhita tōmua i mua i te 1 o Haratua 2011.

http://www.un.org/esa/socdev/unpfii/en/session_tenth.html

  • Te Tikanga Matatau mō ngā Tika Iwi Taketake (EMRIP)

I whakatūhia te EMRIP i te tau 2007, tāna mahi he pūrongo ki te Kaunihera Tika Tangata a te UN, ā, ka whai pūtea mai i te Tari a te Kaihautū Matua mō ngā Tika Tangata (OHCHR). E rima ngā tohunga motuhake mō te toru tau. He whakahaere rangahau mō ngā take e hāngai ana me te tuku whakatakotoranga hei whakaaroaro mā te Kaunihera. I te tau 2009 i whakatutukihia te pūrongo Lessons Learned and Challenges to Achieve the Right to Education. I te tau 2010, i whakaaroarohia te pūrongo Participation in Decision Making in Regional Human Rights Mechanisms.

Ko te wāhanga tuawha o te Tikanga Matatau mō ngā Tika a ngā Iwi Taketake (2011) ka whakahaerehia i te Palais des Nations, Geneva hei te 11 – 15 o Hōngongoi, 2011.

E whakarato pūtea te Pūtea Tūao mō ngā Iwi Taketake a te UN i ngā takuhe haerērē mā ngā māngai iwi taketake hei haere ki ngā wāhanga o te EMRIP me te PFII. I tohua ko te kaimahi a Te Kura Kaupapa Māori o Ngāti Kahungungu o Te Wairoa, a Anahera Scott, ki tēnei takuhe, ā, ka haere ia ki te wāhanga EMRIP i Geneva. I whakamōhiotia a Anahera, ā, i tautokohia anō ia me tana tono mā te kaupapa Māori Tūhonohono a te Kāhui, ko tana kaupapa he whakatairanga i ngā tika tangata i roto i ngā hapori Māori. E whakahaerehia ana te pūtea e te OHCHR. Tirohia te paetukutuku OHCHR mō ētahi atu pārongo me ngā puka tono.

E wātea ana ngā puka tono mō ēnei hui i: http://www.ohchr.org/EN/Issues/IPeoples/IPeoplesFund/Pages/ApplicationsForms.aspx

Tēnā whakatūturuhia ngā whakaritenga hou mō te kōwhiri i whakatauhia e ngā mema o te poari ki te whakarite kei te wātea koe ki te tono ki te haere ki ēnei hui a te Kaunihera Tika Tangata me ngā rōpū tiriti. E wātea ana ngā whakaritenga hou i tēnei hono tukutuku: http://www.ohchr.org/EN/Issues/IPeoples/IPeoplesFund/Pages/criteria.aspx

Mēnā e hiahia pārongo atu anō koe tirohia a: http://www.ohchr.org/EN/Issues/IPeoples/IPeoplesFund/Pages/IPeoplesFundIndex.aspx

Ngā Pūrongo a te Special Rapporteur

I tae mai te Special Rapporteur a te UN mō ngā Tika a ngā Iwi Taketake, Ahorangi James Anaya, ki Aotearoa i te marama o Hōngongoi, 2010.  Continue reading…

I tūtaki ia ki ngā minita kāwanatanga, ngā iwi me ētahi atu rōpū whai pānga, i kōrero ia mō ngā tika tangata me ngā whanaketanga iwi taketake i Aotearoa me te whakahaere rangahau. I tukuna e ia tana pūrongo ki te UN i te marama o Hui-tanguru mō te āhua o te noho a te Māori i Aotearoa.

I roto i tana pūrongo, i mihi ia ki ngā mahi nui i Aotearoa mō te whakatika i ngā āwangawanga a te Special Rapporteur, arā; te tautoko mō Te Whakapuakanga o ngā Tika Tangata a ngā Iwi Taketake (UNDRIP); te whakakore i te Ture Takutai Moana 2004; ā, me ngā whakapau kaha ki te whakahaere i tētahi arotaketanga o te ture kāwanatanga. I kōrero ia mō ngā whakahaere whakataunga Tiriti, ahakoa ngā hapa, tētahi tauira pai i te ao katoa mō te whakatika i ngā nawe ō mua, me nāianei. Engari, i kite anō ia i ngā rerekētanga nui i roto i ngā āhuatanga pāpori me te ōhanga o te Māori ki ētahi atu iwi o Aotearoa. Hei whakarāpopotonga, ko tana whakatau ki te Kāwanatanga:

    1.     Me aro ki te whakapiki i te whai wāhitanga o te Māori ki ngā kaunihera me te whakapūmau i ngā tūru Māori ki te Kaunihera Taone o Tāmaki Makaurau.

     2.    Me whakarite i te whakawhitiwhiti kōrero ōrite me te Māori, hei tauira, mō te ture, te kaupapa here rānei. Otirā, ki te whakarite kei te hāngai ki ngā tikanga, me te whakapiki i te āheinga hangarau a te Māori mā te tuku putea e mārama ai ngā whakawhitiwhitinga kōrero.

    3.     Me whakarite kei te tika te putunga pūtea mō ngā mahi a Te Rōpū Whakamana i te Tiriti o Waitangi ki te whakahaere i āna kaupapa, me te   whakahaere kōrero me te Māori mō te tūranga o Te Rōpū Whakamana i te Tiriti o Waitangi a tōna wā.

   4.     Te whakarite kāore te wā kati 2008 mō te whakatakoto kerēme o mua ki Te Rōpū Whakamana i te Tiriti o Waitangi e aukati i te whakatakotoranga i ngā kerēme tūturu, ā, kāore e takahia ngā whakariterite e te whāinga mō te whakatutuki kerēme Tiriti hei te tau 2014.

   5.      Kia whai tuhinga whakamārama mō ngā whakatau whakahē i ngā whakataunga a Te Rōpū Whakamana i te Tiriti o Waitangi.

   6.      Kia kaha te whakapau kaha i roto i ngā whakariterite whakatau Tiriti kia uru katoa atu ngā rōpū whai pānga me te whakakaha i ngā tikanga whakatau raruraru i ngā wāhi e pupū ana ngā whakahē mō te whai kanohitanga.

   7.     Te whakaatu ngāwaritanga i roto i ngā whakariterite whakataunga Tiriti me te kaha ake o te whai whakaaro ki te hononga tūturu ki te whenua me ngā rawa.

   8.     Te whai whakaaro ki te whakatū i tētahi kōmihana motuhake, taraipiunara rānei hei aratake i ngā whakataunga Tiriti.

   9.     Kia whakaarohia anō te whakatau whakahē i te whakahokinga o ngā whenua tūturu o Te Urewera ki a Ngāi Tūhoe, i runga i te tika o te kerēme me te whakatika hē mō Tūhoe.

10.     Te whakahaere kōrero me te Māori mō te hātepe arotake i te ture kāwanatanga.

 11.     Te whakawhitiwhiti me te iwi Māori whānui ki te whakatika i ngā āwangawanga mō te Pire Marine and Coastal Area. E kī ana ngā kōrero a te Special Rapporteur mō te Pire, i mua i te aroaro o te Pāremata i taua wā, he mahinga nui ki te takahuri i ngā āwangawanga mō te Ture Takutai Moana 2004. Engari, hei tāna anō ka whakakore anō tēnei ture i ngā tika iwi taketake e ngā whakahaere ture, ā, kāore i te hāngai ki te UNDRIP; e āwangawanga nā te mea me “whai whakaaro” noa iho te Kāwanatanga, tēnā ki te “aro nui” atu ki te Tiriti o Waitangi; ā, me te āwangawanga anō a ētahi māngai Māori ki te wā tepe ono tau mō te whakaatu i ōna kerēme whai pānga.

12.     Te whakanui ake i ngā Kaiako matatau ki te reo Māori me te whakawhanake haere anō i ngā kaupapa reo Māori.

13.     Te tautoko haere tonu i te pouaka whakaata Māori.

14.     Te mahi haere tonu me ngā whānau, iwi me ngā rangatira Māori ki te aromātai i ngā pūtake ngoikoretanga o ngā āhuatanga hauora me te tautuhi i ngā rongoā tōtika.

15.     Te whakanui anō i ngā whakapau kaha, me ngā rangatira Māori, ki te whakatika i te maha o te hunga Māori e mauheretia ana.

16.     Te tautoko haere tonu i te Whānau Ora, he kaupapa rangatira mō te whanaketanga Māori.  

17.    Te aro atu ki te hunga Māori ina whakapau kaha ki te whakatika i ngā ngoikoretanga pāpori me te ōhanga Māori.

Pānui haere i konei http://www2.ohchr.org/english/issues/indigenous/rapporteur/docs/A.HRC.18_NewZealand.pdf

I roto i ia Whitiwhiti Kōrero, e hiahia ana mātau ki te titiro ki tētahi o ngā ūpoko o Te Whakapuakanga a Te Kotahitanga o ngā Whenua o te Ao mō ngā Tika a Ngā Iwi Taketake (Whakapuakanga UN) me te tirotiro he aha tōna pānga ki Aotearoa.

I tēnei whakaputanga ka tirohia e mātau ko te Ūpoko 15, e kī ana:

1. He tika tō ngā iwi taketake ki te rangatiratanga me te kanorau o ō rātau ahurea, tikanga, hītori me ngā wawata e whakaata tikahia i roto i te mātauranga me ngā pārongo tūmatanui.

2. Me āta mahi ngā Kāwanatanga, me te mahi tahi, te kōrero tahi hoki me ngā iwi taketake, ki te whakarite huarahi tōtika ki te ārai ngākau koaro me te whakakore i te aukatitanga me te hāpai ngāwari, māramatanga me te whanaungatanga pai i waenga i ngā iwi taketake me ngā wāhanga katoa o te iwi whānui.

He aha te tikanga o tēnei?

Ko tā te Ūpoko 15 he aro ki te whakatika i ngā hē ki ngā iwi taketake mō ngā kaupapa o ngā whakahaere mātauranga, pāpāho, o te iwi whānui hoki. He whai anō ki te whakakore i ngā pārongo hapa, prejucial, tino hē hoki i roto i ngā puka mahi ako me ētahi atu rauemi mātauranga. Otirā, e kī ana me whai tika ngā iwi taketake “ki ō rātau ahurea, tikanga, hītori me ngā wawata e whakaata tikahia i roto i te mātauranga.” E herea ngā whenua i raro i te Ūpoko 15 ki te mahi me ngā iwi taketake ki te ārai ngākau koaro me te aukatitanga i roto i te mātauranga , engari ki te mahi anō ki te whakawhanake i ngā utauta mātauranga  hei “hāpai ngāwari, māramatanga me te whanaungatanga pai i waenga i ngā iwi taketake me ngā wāhanga katoa o te iwi whānui.”

He pēhea tōna ū ki te Tiriti?

Kei te Ūpoko 2 (Rangatiratanga) o te Tiriti he whakaū i te mana Rangatira hei tiaki me te whakawhanake i a rātau ‘taonga’ i whakaae te Karauna ka tiakina e ia. He taonga te ahurea, whakanōhanga, ture me ngā tikanga me ngā whakapapa ki te tangata whenua. E hāngai ana te wāhanga 15.2 ki te Ūpoko 1 (Kāwanatanga) o te Tiriti mō te wāhanga ki te kawenga o te Karauna ki te tiaki i ngā tika Rangatiratanga me te iwi taketake, me te Ūpoko 3 (Rite tahi), te tika ki te mātauranga  me te ahurea pai.

E whakaata ana te Ūpoko 15 i te kaupapa ko ngā tika tangata whānui he takitahi me te takitini. Ko tana whakaaro he mea nui te whakamāoritanga mō ngā “tika” ko te tikanga o te tika me te whai wāhi ki te mātauranga  me te pāpāho i roto i tētahi Whenua he hāngai ki ngā tika iwi taketake ki ētahi tikanga rerekē mō te mōhio, te ako me te kōrero. E herea ana ngā Whenua kaua noa iho ki te whakaute i ngā rerekētanga, engari ki te hāpai haere tonu i te manawa toa me te whai mārama ki ngā rerekētanga puta noa i ngā iwi.

E pēhea o whakaaro mō te ū o Aotearoa ki te Ūpoko 15?

Whitiwhiti Kōrero, e hiahia ana mātau ki te titiro ki tētahi o ngā ūpoko o Te Whakapuakanga a Te Kotahitanga o ngā Whenua o te Ao mō ngā Tika a Ngā Iwi Taketake (Whakapuakanga UN) me te tirotiro he aha tōna pānga ki Aotearoa.

I tēnei whakaputanga ka tirohia e mātau ko te Ūpoko 15, e kī ana:

1. He tika tō ngā iwi taketake ki te rangatiratanga me te kanorau o ō rātau ahurea, tikanga, hītori me ngā wawata e whakaata tikahia i roto i te mātauranga me ngā pārongo tūmatanui.

2. Me āta mahi ngā Kāwanatanga, me te mahi tahi, te kōrero tahi hoki me ngā iwi taketake, ki te whakarite huarahi tōtika ki te ārai ngākau koaro me te whakakore i te aukatitanga me te hāpai ngāwari, māramatanga me te whanaungatanga pai i waenga i ngā iwi taketake me ngā wāhanga katoa o te iwi whānui.

He aha te tikanga o tēnei?

Ko tā te Ūpoko 15 he aro ki te whakatika i ngā hē ki ngā iwi taketake mō ngā kaupapa o ngā whakahaere mātauranga, pāpāho, o te iwi whānui hoki. He whai anō ki te whakakore i ngā pārongo hapa, prejucial, tino hē hoki i roto i ngā puka mahi ako me ētahi atu rauemi mātauranga. Otirā, e kī ana me whai tika ngā iwi taketake “ki ō rātau ahurea, tikanga, hītori me ngā wawata e whakaata tikahia i roto i te mātauranga.” E herea ngā whenua i raro i te Ūpoko 15 ki te mahi me ngā iwi taketake ki te ārai ngākau koaro me te aukatitanga i roto i te mātauranga , engari ki te mahi anō ki te whakawhanake i ngā utauta mātauranga  hei “hāpai ngāwari, māramatanga me te whanaungatanga pai i waenga i ngā iwi taketake me ngā wāhanga katoa o te iwi whānui.”

He pēhea tōna ū ki te Tiriti?

Kei te Ūpoko 2 (Rangatiratanga) o te Tiriti he whakaū i te mana Rangatira hei tiaki me te whakawhanake i a rātau ‘taonga’ i whakaae te Karauna ka tiakina e ia. He taonga te ahurea, whakanōhanga, ture me ngā tikanga me ngā whakapapa ki te tangata whenua. E hāngai ana te wāhanga 15.2 ki te Ūpoko 1 (Kāwanatanga) o te Tiriti mō te wāhanga ki te kawenga o te Karauna ki te tiaki i ngā tika Rangatiratanga me te iwi taketake, me te Ūpoko 3 (Rite tahi), te tika ki te mātauranga  me te ahurea pai.

E whakaata ana te Ūpoko 15 i te kaupapa ko ngā tika tangata whānui he takitahi me te takitini. Ko tana whakaaro he mea nui te whakamāoritanga mō ngā “tika” ko te tikanga o te tika me te whai wāhi ki te mātauranga  me te pāpāho i roto i tētahi Whenua he hāngai ki ngā tika iwi taketake ki ētahi tikanga rerekē mō te mōhio, te ako me te kōrero. E herea ana ngā Whenua kaua noa iho ki te whakaute i ngā rerekētanga, engari ki te hāpai haere tonu i te manawa toa me te whai mārama ki ngā rerekētanga puta noa i ngā iwi.

E pēhea o whakaaro mō te ū o Aotearoa ki te Ūpoko 15?

Te Whakamōhio i te Iwi – UMR

I whakahaerehia tētahi rangahau rapu whakaaro tūmatanui i te tau 2010 e UMR Insight Ltd, ā, ka kitea kua āhua iti haere te hunga tino mārama i Aotearoa ki te Tiriti, mai i te 41 ōrau ki te 39 ōrau.   Continue reading…

Engari, 60 ōrau o te hunga uiuihia i kī ko te Tiriti te kawenata taketake o Aotearoa.

E 26 ōrau tāngata anake o te motu o tēnei uiui i whakaae ki te kōrero “Kei te kaha te ora o te whanaungatanga tiriti i waenga i te Karauna me te Māori”. He iti ake tēnei ki ngā uiuitanga anō o te tau 2009, engari kei runga ake tonu i te 17 ōrau i tuhia i te Haratua 2007, te kaute iti rawa mai i te whakahaeretanga o ēnei uiui.

Ko te uiui nei, he mea whakahaere e UMR mō Te Kāhui Tika Tangata, e whakaatu ana neke atu i te hautoru o ngā tāngata o Aotearoa e tino mārama ana ki te tiriti. E hāngai ana ēnei hua ki ngā tau o mua – e 42 ōrau i te tau 2006 me te 41 ōrau i te tau 2007. Ko ēnei uiui i mua tata nei, e whakaatu ana e 60 ōrau tāngata e whakaae ana ko te tiriti te kawenata taketake o Aotearoa, engari, 51 ōrau o ngā tāngata i uiuihia e whakaaro ana mō Aotearoa whānui te tiriti. Ko ngā kaute Māori mō ēnei take e rua e kī ana he 75 ōrau me te 61 ōrau.

I te tau i whakaaehia a Aotearoa ki te UNDRIP, 39 ōrau o te hunga i uiuihia i kī he iti noa iho ō rātau mōhio ki ngā tika iwi taketake, he pikitanga 3 ōrau tēnei mai i te tau 2009. Rua te kau mā ono ōrau ngā tāngata i kī he āhua mōhio ki ngā tika tangata, he hekenga 8 ōrau mai i te tau 2009, ā, kotahi hautoru he noho kūpapa.

 E 750 nga tāngata o te motu whānui i uiuihia e UMR i waenga i te 19 me te 24 o Whiringa ā-rangi 2010. He 3.6 ōrau te tepe hapa o te uiui. E haere ana tēnei rangahau mai i te tau 2000, ā, he ōrite ngā pātai o te tau 2010 ki ērā o te tau 2009.

Whai kanohitanga ki ngā Kaunihera

Kua tuhi atu te Kaihautū Whanaungatanga ā-Iwi a Joris de Bres ki ngā koromatua me ngā tiamana katoa o ngā kaunihera ā-rohe ki te tono kia whakaarohia e rātau te kōwhiringa tūru Māori i tēnei tau.  Continue reading…

E tono anō te reta kia kōrero anō rātau ki ngā hapū me ngā iwi o ngā rohe mō tēnei take.

Pānui i konei, pānuihia rānei te pepa matapaki whakamārama, Māori Representation in Local Government: the continuing challenge.