Pout-te-rangi, 2011
ISSN 1179-3015
Ma te ipurangi tirohia/tuhia nga tuhituhi katoa Snippets | Full articles

Tena koutou katoa, nau mai, piki mai, ki tenei puka panui o Whitiwhiti Korero – e whakatakoto atu nei i nga take e pa ana ki nga tika o te tangata i raro i te mana o te Kahui Tika Tangata, te Ture Tikanga Tangata, me te kaupapa nei Te Mana i Waitangi.

Ko te tumanako, he whakanui me te whakamarama ake i nga mohiotanga ki nga tika, me te mana o te tangata i raro i te Tiriti o Waitangi, ma roto i nga mahi rangahau, matauranga me te whakawhitiwhiti korero, whakaaro hoki.

Kei te panuitia te Whitiwhiti Korero i roto i nga reo e rua, ko te reo Pakeha, me te reo Maori. Mena e hiahia puka panui ana koe, tonoa mai he imeera ki treaty@hrc.co.nz whakapa mai ranei ki to matou paetukutuku www.hrc.co.nz/treaty

Whai kanohitanga ki ngā Kaunihera

Kua tuhi atu te Kaihautū Whanaungatanga ā-Iwi a Joris de Bres ki ngā koromatua me ngā tiamana katoa o ngā kaunihera ā-rohe ki te tono kia whakaarohia e rātau te kōwhiringa tūru Māori i tēnei tau. 

Ma te ipurangi ka panui tonu...

Ngā Pūrongo a te Special Rapporteur

I tae mai te Special Rapporteur a te UN mō ngā Tika a ngā Iwi Taketake, Ahorangi James Anaya, ki Aotearoa i te marama o Hōngongoi, 2010. 

Ma te ipurangi ka panui tonu...

Ngā hui a Te Kotahitanga o ngā Whenua o te Ao e tū mai nei

Ko te Hui Tūturu tētahi o ngā hui e toru a ngā rōpū UN e whai mana ana ki te whakarite i ngā take iwi taketake.  

Ma te ipurangi ka panui tonu...

Te Hui Kanorau 2011 – 21-22 o Here-turi-kōkā

E whakahaerehia Te Hui Kanorau 2011 i Claudelands Convention Centre, Kirikiriroa.  

Ma te ipurangi ka panui tonu...

Te Whakamōhio i te Iwi – UMR

I whakahaerehia tētahi rangahau rapu whakaaro tūmatanui i te tau 2010 e UMR Insight Ltd, ā, ka kitea kua āhua iti haere te hunga tino mārama i Aotearoa ki te Tiriti, mai i te 41 ōrau ki te 39 ōrau.  

Ma te ipurangi ka panui tonu...

Te Whakapuakanga a te UN mō ngā Tika a Ngā Iwi Taketake

I roto i ia Whitiwhiti Kōrero, e hiahia ana mātau ki te titiro ki tētahi o ngā ūpoko o Te Whakapuakanga a Te Kotahitanga o ngā Whenua o te Ao mō ngā Tika a Ngā Iwi Taketake (Whakapuakanga UN) me te tirotiro he aha tōna pānga ki Aotearoa.

I tēnei whakaputanga ka tirohia e mātau ko te Ūpoko 15, e kī ana:

1. He tika tō ngā iwi taketake ki te rangatiratanga me te kanorau o ō rātau ahurea, tikanga, hītori me ngā wawata e whakaata tikahia i roto i te mātauranga me ngā pārongo tūmatanui.

2. Me āta mahi ngā Kāwanatanga, me te mahi tahi, te kōrero tahi hoki me ngā iwi taketake, ki te whakarite huarahi tōtika ki te ārai ngākau koaro me te whakakore i te aukatitanga me te hāpai ngāwari, māramatanga me te whanaungatanga pai i waenga i ngā iwi taketake me ngā wāhanga katoa o te iwi whānui.

He aha te tikanga o tēnei?

Ko tā te Ūpoko 15 he aro ki te whakatika i ngā hē ki ngā iwi taketake mō ngā kaupapa o ngā whakahaere mātauranga, pāpāho, o te iwi whānui hoki. He whai anō ki te whakakore i ngā pārongo hapa, prejucial, tino hē hoki i roto i ngā puka mahi ako me ētahi atu rauemi mātauranga. Otirā, e kī ana me whai tika ngā iwi taketake “ki ō rātau ahurea, tikanga, hītori me ngā wawata e whakaata tikahia i roto i te mātauranga.” E herea ngā whenua i raro i te Ūpoko 15 ki te mahi me ngā iwi taketake ki te ārai ngākau koaro me te aukatitanga i roto i te mātauranga , engari ki te mahi anō ki te whakawhanake i ngā utauta mātauranga  hei “hāpai ngāwari, māramatanga me te whanaungatanga pai i waenga i ngā iwi taketake me ngā wāhanga katoa o te iwi whānui.”

He pēhea tōna ū ki te Tiriti?

Kei te Ūpoko 2 (Rangatiratanga) o te Tiriti he whakaū i te mana Rangatira hei tiaki me te whakawhanake i a rātau ‘taonga’ i whakaae te Karauna ka tiakina e ia. He taonga te ahurea, whakanōhanga, ture me ngā tikanga me ngā whakapapa ki te tangata whenua. E hāngai ana te wāhanga 15.2 ki te Ūpoko 1 (Kāwanatanga) o te Tiriti mō te wāhanga ki te kawenga o te Karauna ki te tiaki i ngā tika Rangatiratanga me te iwi taketake, me te Ūpoko 3 (Rite tahi), te tika ki te mātauranga  me te ahurea pai.

E whakaata ana te Ūpoko 15 i te kaupapa ko ngā tika tangata whānui he takitahi me te takitini. Ko tana whakaaro he mea nui te whakamāoritanga mō ngā “tika” ko te tikanga o te tika me te whai wāhi ki te mātauranga  me te pāpāho i roto i tētahi Whenua he hāngai ki ngā tika iwi taketake ki ētahi tikanga rerekē mō te mōhio, te ako me te kōrero. E herea ana ngā Whenua kaua noa iho ki te whakaute i ngā rerekētanga, engari ki te hāpai haere tonu i te manawa toa me te whai mārama ki ngā rerekētanga puta noa i ngā iwi.

E pēhea o whakaaro mō te ū o Aotearoa ki te Ūpoko 15?

treaty
Ma te ipurangi tirohia/tuhia nga tuhituhi katoa Snippets | Full articles

Mo etahi ano maramatanga o te 'Whitiwhiti Korero' tena koa panui mai kia Ada Tangiora treaty@hrc.co.nz, 04-473 9981, or 0800 378 254.

Kei te wharangi ipurangi www.hrc.co.nz/treaty etahi ano korero e pa ana ki Te Mana I Waitangi.

E hara nga tirohanga i roto i tenei papapanui nga tino matapono a Te Kahui Tika Tangata.

Mehemea, kahore koe e hiahia tonu ana ki te whiwhi i te pānui Whitiwhiti Korero nei, me mahi ‘unsubscribe’ koe i runga i te patene-haere (ara te ‘link’) i te mutunga o te īmeera nei, e kiaa nei ko “Manage Your Subscription”. Kia ora rawa atu!