Human Rights Commission

Sunday 26 May – Saturday 1 June

-Fafaga fānau i ‘upu ma tala. Tautala i lau gagana. ‘O lou Tautala i lau gagana ‘o le mamanu ‘autū lenā mo le tausaga lenei o le 2013 mo le Vaiaso o Le Gagana Sāmoa. ‘O se taimi e fa’amanatu ai le ‘oa o le gagana Sāmoa, ma ana aganu’u e fa’ailogaina i fa’atinoga ma fa’afiafiaga ‘ese’ese ‘ua tāpenapena ‘i ai le atunu’u ‘ātoa i lenei vaiaso.

‘O le Gagana Sāmoa, ‘o se tasi o gagana e pito sili ona fa’aaogā so’o i totonu o Niu Sila. ‘Ua sili atu i le 8000 tagata ‘ua asiasi ma ‘auai i le Facebook mo le Vaiaso o le Gagana Sāmoa  (Samoan Language Week Facebook), ma ‘ua  fafagu ai le naunau ma le fa’ailogaina o le vaiaso i atunu’u o le lalolagi e iai Niu Sila, ‘Ausetalia ma le Iunaite Setete o ‘Amerika, ma tagata Sāmoa ‘olo’o alaala i isi atunu’u o le lalolagi.

Na mua’i fa’ailogaina le Vaiaso o le Gagana Sāmoa e le Leitiō o le Niu FM e fai ma ona sao i le fa’ailogaina o gagana Pasefika e sāuni atu ai mo le fa’ailogaina o le Gagana Maori. Na ‘āmata mai i le 2007 ona una’i  i totonu o ā’oga e le FAGASA (Fa’alāpotopotoga mo le A’oa’oina o le Gagana Sāmoa i Aotearoa). ‘O le 2009 na una’i fa’atasi ai e le FAGASA ma le Komisi o Āiā Tatau fa’atasi ma isi fa’alāpotopotoga ‘ina ‘ia aofia ai Niu Sila ‘ātoa. ‘O sini fa’amoemoeina o le Vaiaso o le Gagana Sāmoa mo le 2013 e aofia ai:

1. Tautala i lau gagana: i lou ‘āiga, i lau gāluega,  i so’o se mea.
2. Fa’ailoga le Gagana Sāmoa ma lana aganu’u i Niu Sila ma le lalolagi ‘ātoa.
3. Una’i  le a’oa’oina o le gagana Sāmoa  ma lona fa’afaiā’ogaina
4. Fa’ailoa atu i le lautele, ‘o le Gagana Sāmoa ‘o se tasi o gagana e pito sili ona fa’aaogā so’o i totonu o Niu Sila.
5. Si’i ma fa’atāua le gagana Sāmoa i so’o se si’osi’omaga ‘ae fua  i isi fo’i tagata.
6. Fa’atūla’i ni fa’amalosi’auga  mo le tausia ma le fa’atuputupula’ia  pea o le ola, le a’oa’oina ma le fa’aaogāina o le gagana Sāmoa i le ‘āiga, i a’oa’oga, i gāluega, i ‘ōfisa o le mālō, i nusipepa, leitiō, televise, i ta’aloga, i  faiva‘ese’ese (arts), i ‘ekālēsia ma le komiunitī.

‘O soa po’o pa’aga ‘olo’o gālulue fa’atasi mo le tapenaga o le Vaiaso o le Gagana Sāmoa i le 2013 e aofia ai le FAGASA, Komisi o Āiā Tatau a Tagata, Komisi a le UNESCO mo Niu Sila ‘Ātoa, Matāgāluega o Ā’oga, Pūlega a le Nofoaga o A’oa’oga Fa’apasefika, Matāgāluega o Tagata Pasefika ma le to’atele ‘olo’o lisi atu i le ‘upega o feso’ota’iga o le Facebook a le Vaiaso o le Gagana Sāmoa.

Link.

‘Ua tima’i atu i ‘āiga ta’itasi, ā’oga ‘āmata, ā’oga ma a’oa’oga maualuluga ‘ese’ese, matāgāluega a le mālō, pūlega fa’aitūmālō, falefaitautusi, pūlega o gāluega ‘ese’ese fa’apea iuni, nusipepa, leitiō, ‘ekālēsia ma isi fa’alāpotopotoga ‘ese’ese ‘ina ‘ia faia ni a ‘outou tapenaga e lagolago ai le Vaiaso o le Gagana Sāmoa. E vala’au atu ‘ina ‘ia lesitalaina  la ‘outou tapenaga i lou ‘imeli mai i le nzdiversity@hrc.co.nz  e mafai ai ona fa’alauiloa ai le igoa o la ‘outou tapenaga  i le ‘upega o feso’ota’iga, ma lagolagoina  ai gaoioiga ‘ese’ese ‘olo’o fa’atinoina mo le vaiaso.

‘Ua gālulue fa’atasi le Komisi o Āiā  Tatau a Tagata ma le FAGASA Inc ma a la pa’aga tōtino i le fa’amaopoopoga o fa’atinoga ma fa’afiafiaga e ala i le polokalame e ta’ua ‘o le NZ Diversity Action Programme, i luga o le ‘upega o feso’ota’iga a le Samoan Language Week ma le Samoan Language Week Facebook. Mātou te fia fa’afetaia fo’i le lagolago mālosi mai o ta’ita’i ma  a latou pa’aga i le una’iga ma le fa’amalosi’au mai i le una’iga o le Gagana Sāmoa.

Fafaga fanau i upu ma tala. Tautala i lau gagana − Feed the children with words and stories. Speak your language is the 2013 theme for Samoan Language Week. It’s a time to celebrate the rich texture of the Samoan language, Gagana Samoa, and culture through events and celebrations happening this week throughout the country.

The Samoan language is one of the most commonly spoken languages in New Zealand. With over 8000 likes, the Samoan Language Week Facebook page in incredibly active,  which allows the week to be celebrated globally including in New Zealand, Australia and the USA, as well as other  Samoan communities worldwide.

Samoan Language Week was first promoted by Radio Niu FM as part of a series of Pacific language weeks leading up to Māori Language Week. Since 2007 it has been promoted in schools by the Association for the Teaching of Samoa in Aotearoa, FAGASA Inc , Faalapotopotonga mo le Aoaoina o le Gagana Samoa i Aotearoa (FAGASA). From 2009 FAGASA and the Human Rights Commission have partnered with other organisations to extend the week to the wider New Zealand community. The aims of Samoa Language Week 2013 ‘Vaiaso o le Gagana Sāmoa’ are to:

1. Speak your language: use the language, at home, at work, everywhere
2. Celebrate the Samoan language and culture in New Zealand and globally
3.  Promote the teaching and learning of the Samoan language
4. Raise awareness of the Samoan language as one of the most widely spoken languages in New Zealand
5. Promote the use of the Samoan language in every environment respecting each other’s situation
6. Promote initiatives to maintain and grow the recognition, learning and use of the Samoan language in the home, in education, at work, in government, in the media, in sport, in the arts, in the church and in the community.

Samoa Language week partners for 2013 include FAGASA, the Human Rights Commission, the New Zealand National Commission for UNESCO, Ministry of Education, Pasifika Education Centre Trust, Auckland City Libraries, Pacific Media Network,  the Ministry of Pacific Island Affairs and many other community partners listed on the Samoa Language Week’s Facebook page .

Join in the events and celebrations near you.

Families, early childhood centres, schools and tertiary education institutions, government departments, city councils, libraries, employers and unions, media, churches and community groups are all encouraged to undertake activities in support of Samoan Language Week. You are invited to register your activity by emailing nzdiversity@hrc.co.nz so that it can be published on the website and promoted as part of the week’s activities.

The Human Rights Commission and FAGASA Inc and its partners coordinate events and activities via the NZ Diversity Action Programme Samoan Language Week website and the Samoan Language Week Facebook page.  We acknowledge the continuing support by many community leaders and partners promoting le Gagana Sāmoa.

Samoan Language Week participants and events

Alagā’oa – Resources