Ko ngā rangatahi o Aotearoa kei te ārahi i a tātau

Ko ngā rangatahi o Aotearoa kei te ārahi i a tātau

December 12, 2016

E kī ana Te Kōhimana Tika Tangata ko te whakaaro nui o ngā rangatahi o Aotearoa ki te reo me te ahurea Māori kei te whakatauira mai i te pae tawhiti o te noho tahi o ngā iwi o te motu. 

Nō nā tata nei, ka tuku te Kōmihana i tētahi ataata mō ngā tamariki o Wairarapa kua eke ki te taumata o te ao mō te tokomaha e haka ana i tētahi haka. I haka rātau i tā rātau haka ki Whakaoriori i te 2 o Noema ki te papa takaro o Memorial Park. 

“Mō tētahi tau, ka ako ngā tamariki o Wairarapa i tētahi haka mō tō rātau kāinga, Ko Wairarapa. Ka haka ngāahi ngā tamariki nei i tā rātau haka – he neke atu i te 6000 ngā rangatahi nō iwi kē, nō kura kē, nō tāone kē” hei tā te Kaikōhimana Whakawhanaunga-a-Iwi, ko Kahurangi Susan Devoy.

“Ka eke ngā tamariki nei ki te taumata o te ao, ka whakahonohono mai hoki i te hapori ki te whakanui i tō rātau tuakiri ngātahi mā te reo Māori me te tikanga Maori. He tauira tēnei mo te tipuranga mai o tō tātau motu i ngā tau, me ngā painga ka taea hei ānamata”. 

Ka tautoko te rohe katoa o Wairarapa i ā rātau tamariki ki te whai i te taumata o te ao. Ko te Kura Takawaenga o Whakaoriori i ārahi i te kaupapa nei me Wairarapa REAP. Tērā ētahi rōpū tauira i haere ki ngā kura o te rohe ki te whakaako i te haka, koni au i te tau e ako ana, ā, ka tukuna hoki he ataata hoki hei āwhina i ngā akoranga. 

“Mō runga i te āhua o te noho tahi o tētahi me tētahi, he nui tonu ngā take kei tō tātau motu, ā, puta noa te ao. Heoi anō, tērā ētahi wā ka paku kite tātau i tētahi ānamata e whakamanawa ana, e whai tumanako ana: koinei tētahi o aua wā,” hei tā Kahurangi Susan.

“Ka whakamihi katoa mātau ki ngā tamariki me ngā tāngata o Wairarapa mō rātau kua eke nei ki te taumata o te ao, mō rātau hoki kua tuku mai i tētahi pito tino motuhake nei o tō rātau rohe ki a tātau katoa”.

You can read the English translation here

Tūrangawaewae

Tūrangawaewae is the Human Rights Commission's newsletter. You can read our latest newsletter here.